Fyrirlestrar og vinnustofur

40 mínútna fyrirlestur fyrir stofnanir, fyrirtæki og félög í breytingum.

​

Í þessum fyrirlestri fjöllum við um breytingar, líðan í breytingum, þá þætti sem stuðla að farsælli innleiðingu breytinga og síðast en ekki síst, bjargráð í breytingum. Bjargráðin byggja öll á faglegum og gagnreyndum aðferðum breytingastjórnunar, jákvæðrar sálfræði, markþjálfunar og umhverfissálfræði.

​

Á endanum snúast breytingar um fólk.  Ef breytingin nær ekki til  starfsmanna og starfshátta er hætta á að breytingin nái aldrei fótfestu og við dettum aftur í gömlu aðferðirnar.

​

Óvissan sem fylgir breytingum getur valdið streitu, dregið úr trausti til vinnustaðarins, aukið líkur á uppsögnum og ef ekkert er að gert getur ástandið mögulega leitt til kulnunar.

​

Það er því mikilvægt að huga vel að þeim þáttum sem snúa að starfsfólkinu. Að hlúa að líðan og veita þeim bjargráð til að takast á við krefjandi tíma á farsælan máta.

​

​

Stuttur, hnitmiðaður og hagnýtur fyrirlestur fyrir fyrirtæki, stofnanir og félagasamtök.

Við fjöllum um inngrip jákvæðrar sálfræði sem byggja á gagnreyndum aðferðum og eru til þess fallin að auka vellíðan og hamingju ásamt þvi´að geta dregið úr einkennum þunglyndis og kvíða. 

​

Hér förum við yfir upphaf jákvæðu sálfræðinnar og helstu inngrip hennar með áherslu á styrkleikagreiningar og þakklætisæfingar. 

Hægt er að fá sérsniðna vinnustofu fyrir fyrirtæki og stofnanir sem standa í breytingum. Áherslan er lögð á virka þátttöku starfsfólks og byggir á fyrirlestrunum Bjargráð í breytingum og inngrip jákvæðrar sálfræði