Persónustyrkleikar eru mjög stór þáttur í jákvæðri sálfræði (Dubreuil ofl. 2016). Skv. Peterson og Seligman (2004) eru persónustyrkleikar “jákvæðir eiginleikar eða einkenni sem birtast í hugsunum, tilfinningum og hegðun okkar“.
Gagnsemi þessa að þekkja eigin styrkleika:
Rannsóknir hafa sýnt að það að þekkja sína eigin styrkleika eykur hamingju og velliðan. Það hefur bætandi áhrif á sjálfsmyndina, fólk finnur að það skiptir máli og að það hafi tilgang. Fólk lítur lífið almennt bjartari augum og verður vonbetri um framtíðina (Rashid og Anjum, 2005).
Með því að einblína á styrkleika í erfiðum aðstæðum á fólk auðveldara með að ýta frá neikvæðum hugsunum og tilfinningu um ákveðið hjálparleysi. Þess í stað sér það möguleika á að nýta sér styrkleikana og hafa þannig áhrif á eigin stöðu og útkomu (Shoshani og Sloan, 2016).
Áhrif út í samfélagið:
Það sem meira er, notkun styrkleika hefur ekki einungis áhrif á einstaklinginn heldur á fólkið í kringum hann og samfélagið í heild. Við getum notað húmor til að létta andrúmsloftið fyrir mörgum, deilt von og bjartsýni um komandi framtíð, sýnt öðrum kærleik í orðum og verki og leyft öðrum að njóta ástar og umhyggju. Á sama tíma og við hjálpum öðrum að líða betur upplifum við sjálf aukna vellíðan (Rashid og McGrath, 2020).
Comments